:wife:
Brotsubbà Rezept.
Brotsupp machà, isch et schwer,
erschd muaß à ganz’r Brotloib her
ond nò brauchsch’d nò zwoi Liter Wasser,
jetzt wird der Brotloib glei viel nasser.
À Gwürz muaß au no drennà sei,
was fir ois, isch oinerlei,
dò dr’zua, brauchsch’d au en Zwiebel,
den, dr’zu’duasch’d, en den Kiebel.
Ebbàs Fett ond Griàbàschmalz,
dass guàt aberutsch’d, em Hals.
Jetzt schdellsch’d dean ganzà Blitz uff’s Feier,
nemmsch’d abber Holz, weil s’Öl isch z’deier.
Dui Brotsupp lesch’d nò ane derg’là,
blos ab ond zua, muasch’s omme werglà,
dass nex àbrennt uff em Herd,
sonsch’d isch dui Brotsupp nex meh wert.
Wenn’d Zwiebl ausseahnd wie dia Mohrà,
nò isch die Brotsupp ebbàs worà.
Wenn’d ällàs machschd, wià i han g’sait,
nò gibt’s à guate Brotsupp, heit.