Maybe ond Schwabi

quasi, mir wird alt. :oops: :kichern:noi, also wenn i mol drhoim be ond sitz no dur i mi au schwer. deswega gang i zor zeit au belder ens kino, glei nochem gschäft, sonschd ko i mi nemme uffraffa.

reicht doch scho, wenn mir dr Dag iber onsr persenlichs Soll erfillt hen, gelle? Ond dr Rescht ischt dann Kür...... die Pflicht hen mir scho hendr ons :zwinkern:

I han kommende Woch' a Vorschtellungsgschpräch. Druck' mir mole älle gsonde Dauma fir Denschdich, elfe :brav:

sodele, des hosch jo erfolgreich hender di brocht, gell?
jetzt ben i gschbannt wies lauft.

tja, ond i wart ond wart. Eigentlich hätte i scho längscht was Schriftlichs en den Händ han missa, wenn des mit denne Infoveranstaltunga nächschte Woche klappa sollt. I ben jetzt a bissle irritiert :erstaunt:

uiuiui, des kennd mr bei denne firma, isch se seriös oder eher so a gloine glitsche?
also wenn i do an onsere denk, no däd i mol oruafa, no ko scho mol ebbes vergessa werde.

Was will i macha? :nixwissen: I ben doch net dui oinzig, dui uff Antwort wartet.
Des isch koi kloine Klitsche. Dui Firma isch sogar an der Börse. Ond von doher dirfdat dia jo gar nix Oseriöses macha, moin i mole.

v hosch vergessa.
x-beliebig isch se ned? no musch mir mol saga wia dui hoisst, ond en börsagang nitzt au nix, des isch do no viel schlemmer, als wenn se oim alloi ghert.
do zelled bloss zahla ond des geld was en aktionär verdenad.

yepp, des han i total iberganga. Entschuldige, mai Liabe :brav:
Mir kommt des ällas, ond von Dag zu Dag no meh, odurchsichtiger vor. Andere hen scho zu mir gsagt, daß i die Fengr drvo lassa soll. Hm, i woiß net. Oinerseits will i schaffa ganga, aber bloß ontr Omschtänd, die fir mi okay send. Ond bei derra Firma han i so meine Zweifel..... :nixwissen:

zerschd kosch dir des jo ogugga, wenns drzua kommt.
aber no guad iberlega, wobei, am ofang en dr probezeit kosch ja au kündiga ohne probleme ohne frischd.
i denk mir des halt so wie beim a owald, mr hot koine geregelde arbeitszeida.

au en Schtandpunkt. I glaub, den han i au scho soweit aignomma. Uff mi zukomma lassa muaß i des - ond verpflichtet ben i zu nix. Wenn au bloß des kloinschte mir net paßt, dann mach' i die Fliege.

blos oruafa däd i scho amole, sonschd kommad dia vielleicht irgendwann ond du musch glei noch denne ihra pfaif danza.

context hoißt a Firma en Korb, dia suachat au. Do werd' i mit glei heit mole melda. Han geschternobend no mei Mappe zsammagschtellt. Nochher werd' i dort glei aruafa.

dursch di emmer no bewerba?

em nächschta Johr goht's wieder weitr.
Ond jetzt gang' i en die Kischte. Ällas, was i heit erlediga han wella, han i nakriagt. Morga isch au wieder en Dag.
Duat mir loid, daß Du so schlechte Nochrichta kriagt hosch :troesten:

fo was für schlechde nochriachda schwätzsch? wegam ua?

genau des han i gmoint :kichern: So schlemm isch' no aber au nemme, wenn mr's woiß, gelle? :abklatschen: :troesten:

hanno, des isch jetzt ned des was i mir onder ama priceklnde silveschderobed vorschdell, aber der wird jo bloss beim essa do sei, sonsch isch der jo do, wo der wolfgang au romschbrengt.

i woiß no gar net, was genau ganga wird. Aber ois. Du kommsch zu mir, wenn des bei Dir so paßt. Wäga mir au scho am sechse oder frieher, au recht so.
Den andra schnappet mir uff dem Weg noch oba. So isch des bis jetzt mole ondr de Männr ausgmacht. Des wird dann kurz vor siebene sai.
Des isch dann Dai Gnadafrischt :kichern:

janno, jetzt isch des doch guad romganga, gell?

Komplikationa hot's jo net wirklich gäba. Aber des mit der Glatteisfahrerer war net bloß a schpaßige Sach. A Erlebnis aber uff älle Fäll.